媒體報道


中環在線:男士美容 去皺脫毛最受歡迎

正所謂「女為悅己者容」,女人貪靚十分正常,但其實男人都好貪靚。新股醫思醫療(2138)旗下DR REBORN市場部高級經理Maggie透露,佢哋嘅男性客戶最鍾意去做treatment去皺,仲有做脫毛療程呀。
男人老狗脫毛!認真估佢哋唔到,咁到底佢哋係脫邊個部位嘅毛呢?登登登凳,原來係脫鬚根呀!
Maggie解釋,唔少男士都覺得剃鬚好麻煩,與其每朝早都要剃,倒不如連根拔起咁話。講得興起,佢仲爆料話,公司行政總裁(CEO)鄧志輝與財務總監(CFO)楊展昀都有做緊呢個脫毛療程喎。
咁下次見到佢哋,華華真係要捉住佢兩位望真啲嘞,話唔定,佢兩位將來可以做埋公司生招牌。不過男人都係有鬚根先夠型嘅!