媒體報道


中環在線: 陸東做獨董 幫美容公司手

持有DR REBORN嘅新股醫思醫療(2138),搵來明星級投資者陸東做獨立非執董,華華諗起之前陸東做TCL通訊(2618)獨董又做埋代言人,拍咗輯好型仔嘅廣告,唔知醫思,佢又有冇興趣呢?
醫思醫療執董李嘉豪解釋,喺朋友介紹之下認識陸東,「陸生好understand我哋運作,佢對醫療美容好有信心,仲畀咗好寶貴嘅意見啊!」
醫思醫療嘅客仔,九成都係女士,查實男人一樣貪靚,呢個市場有得諗。翻閱招股書,醫療服務約佔集團收入39%,微整形療程就佔62%,當中最多人捧場嘅,係打A型肉毒桿菌毒素(即係打BOTOX),其次係向面部注射透明質酸。唔知陸東有冇興趣試吓集團嘅服務呢?