媒體報道


【名家搶先睇】星光熠熠醫療股(唐牛)

醫思醫療(2138)日前發通告,獲基金OrbiMed買入6,381萬股或6.49%,每股作價3.5元,涉資2.2億元。OrbiMed專注全球生物醫療領域投資超過20年,管理淨資產超過140億美元,非同小可。

同屬醫療板塊、主打骨關節植入物及相關產品的愛康醫療(1789),去年12月上市,半年後的今日喪升了1.5倍。翻查招股書,不難發現OrbiMed原來是愛康醫療上市前投資者,最新持股達7.5%,足證其眼光獨到,同樣劇本若發生在醫思醫療身上,倍升有何難?

好消息一不離二,醫思醫療最新宣佈,與騰訊(700)旗下企鵝醫生簽訂戰略合作協議,計劃聯手在港開設多家全科診所,將智慧診所醫療閉環模式引入本港醫療市場。醫思醫療主打醫學美容,以2016年收入計算,為本港醫學美容一哥,截至去年9月底止中期收入增長51.4%至6.17億元,盈利則升73%至1.26億元,最新公佈全年銷售合約料達四成,增長力度保持強勁。醫思醫療上市兩年,已有每次業績均派息的優良紀錄,現價股息率近7厘;睇CCASS,首五大券商持股達95%,要炒上話都冇咁易,而家兩大高手大駕光臨,仲唔係埋位之時?